بحث سريع
| المنتدى الطبي مخصص لكل ما يتعلق بالطب وقضاياه ومستجداته و الإستشارات الطبية |
| ملاحظة: عذرا لقد منعت الادارة النسخ و الاقتباس |
 |
 06-25-2009, 01:04 AM | #1 (permalink) | ||||||||||||||||||
| [مشرفة حواء] 
معلومات العضو
 |
كيف يتم تبيض الاسنان في هذا الموضوع سوف نستعرض ما هو تبيض الاسنان والي هوة موضة العصر والي كل النجوم والممثلين بيعملوة وبيدفعو الالفات عشان يوصلو لدرجة اللون دي .... متستغربش اة الالفات بتدفع عشان يعملو موضوع التبيض ... ابل ما اتكلم عن التبيض انا حتكلم عن المشكلة الي عشنها بنعمل التبيض وهية طبعا الصبغة يعني ببساطة احنا بنعمل التبيض عشان نزيل الصبغة الي موجودة علي الاسنان ثانيا عشان نفتح لون الاسنان عدة درجات فتصبح بيضاء ناصعة بتنور في الضلمة هههههههههههه اية اسباب الصبغة؟ الشاي السادة - القهوة ---- السبب الاكثر اهمية والاكثر ضرر التدخين مش بس بيعمل صبغة علي الاسنان دة بيعمل صبغة علي اللسان كمان- التقدم في العمر يعطي صبغة علي الاسنان - بعض الادوية مثل مضاد حيوي اسمو تتراسيكلن بيعمل صبغة علي الاسنان - شرب المياة التي بها فلوريد كثير بيعمل صبغة علي الاسنان دي بتبئة موجودة في الواحات ومطروح وهذة الاماكن ديما تلاقي عند الناس الي عايشين في هذة الاماكن خط من الصبغة نتيجة ارتفاع نسبة الفلوريد في مياة الشرب ملحوظة يجب ان تقرا موضوع الجير عشان تعرف الفرق بين الجير والصبغ و وايضا العلاج مختلف وخطوات العلاج كلتالي الاول بنشيل الجير وبنعالج اللثة بعد كدا بنشيل الصبغة ونعمل تبيض للاسنان دي صور بتورينا اشكال الصبغة دي صبغة نتيجة استخدام المضاد الحيوي تتراسيكلن  ودي صورتين الي فوء صبغة نتيجة تقدم السن والي تحت نتيجة التدخين ونشوف الجمال بئة بعد ما عملنا العلاج وازالة الصبغة  ودي صورة تبين الشكل ودرجة اللون قبل وبعد عملية التبيض  ما انواع الصبغة؟ الصبغة لها نوعان صبغة خارجية اي خاج طبقات الاسنان بلبدي كدا علي الوش وصبغة داخلية اي متخللة طبقات الاسنان يعني من داخل طبقات السنة طب اية الفرق يا عم الحج .... الفرق ان الصبغة الخارجية دي سهل ازالتها جدا باستخدام ادوات معينة وعجينة معينة بيتم ازالة هذة الصبغة اما الصبغة الداخلية فدي متخللة في طبقات السنة وصعب ازالتها الا بطرق معينة واساليب معينة طب مين الي بيحدد نوع الصبغة دي ؟ الدكتور طبعا وهوة الي بيحدد الطريقة الانسب في التبيض طيب يبئة كدا احنا عرفنا الصبغة اية وانوعها وبتيجي من اية طب اية العلاج يا دكتور؟ العلاج اننا نشيل الصبغة دي اي كانت خارجية ام داخلية polishing ثانيا نعمل التبيض الي هوة حلم اي شب واي فتاة تبئة اسنانهوم مثل النجوم بس حتعد يا فالح فلوس كتير teeth bleaching طب يبة احنا كدا فهمنا ان فية فرق بين اني اشيل الصبغة وارجع اسناني للون الي اتولدت بيها علية واني افتح درجة اللون نفسها يعني اغير من لون اسناني الي اتولدت بيها وهوة دة التبيض يعني فية فرق بين البولشنج والبلتشنج من السهل اوي اننا نشيل الصبغة ومش حتدفع كتير عند الدكتور طبعا من ضمن الاجهزة الي بتشيل الصبغة جهاز ازالة الجير الي عرضت صورتو في موضوع الجير ..... لكن لو حبيت تبئة زي النجوم وتعمل زي ما النجوم بيعملو وتفتح درجة لون الاسنان بتعتك يبئة مئدمكش الا التبيض وطبعا حتعد كاشات كتيررر تعالي بئة نشوف التبيض دة بيتعمل ازاي وفية مفجئة انا محضرهلكوم | ||||||||||||||||||
 |
طرق تبيض الاسنان بالصور | 06-25-2009, 01:04 AM | #2 (permalink) | ||||||||||||||||||
| [مشرفة حواء]
معلومات العضو
|
اولا عشان نبئة متفقين لازم نشيل الجير+ الصبغة بعد كدا نبدا في النقطة الثانية وهية التبيض ثانيا : التبيض التبيض نوعين الاول بتروح للدكتور وتسلم علية وتئولو انا عايز ابيض سناني حيئولك بسهولة كدا ويضحك ههههههههه طبعا هوة بيضحك عشان الموضوع انتا فاكرو بيتعمل في منت لكن هوة عدت خطوات عشان تبئة نجم سيما وسنانك زي اسنان مهند ههههههههه الاول حيعملك تنضيف للجير لو احتاج الامر لذالك وعلاج للثة بعد كدا حيشيل الصبغة ثانيا حيعمل التبيض احنا ئولنا ان التبيض نوعين الاول الي بيتعمل في البيت : حيبدا الدكتور ياخدلك مقاس لاسنانك كلها ويودي المقاس دة المعمل عشان يجبلو اصطنبة علي شكل اسنانك بلظبط الاسطنبة دي الي لونها شفاف في الصورة ... بيتحت في الاسطنبة دي مواد زي الجيل الي هية لونها ازرق في الصورة وبتلبس الاسطنبة دي بليل ابل ما تنام وتشلها الصبح لمدة اسبوع الي اسبوعين حسب درجة اللون الي انتا عايزها طبعا المادة الي زي الجيل دي بتتخلل طبقات الاسنان وبتغير من درجة لون الاسنان وبتبئة متابع مع الدكتور عشان يوريك الفرق في درجة اللون قبل وبعد التبيض وتعرف انتا وصلت لفين وهل بئيت زي مهند ولة لسة ههههههههههههه 1. home bleaching يعني بيتعمل في البيت وسعدتك اعد في بيتك حتئولي ازاي  وفي الطريقة دي بئة الدكتور بيستخدم مواض شديدة الخطورة يعني احماض بتركيز عالي جدا وبلتالي بيبئة ليها احتياطات كتير وبنحمي اللثة بغطاء معين وتوضع هذة المواد علي الاسنان المراد تبيضها وبيلبس المريض نظارة والدكتور ايضا عشان الاحماض الجمدة دي وبيتم تسليط دوء ازرق عالي الشدة علي الاسنان المراض تبيضها وبنلاحظ الفرق يعد الانتهاء من الجلسة فورا يعني بتبئة مهند في دقائق معدودة ابسط يا عم بس حتعد كاشات كتير ههههههههه 2. الاوفيس بليتشنج office bleaching ودة الي بيتعمل في العيادة بتاعت الدكتور مش بتحتاج لاستناط او اي شيء الدكتور هوة الي بيعملك كل حاجة وانتا اعد علي الكرسي بس دة بيكون اغلي بكثيررررر جدا عن النوع الاول لانك بتدخل العيادة سنانك لون تطلع منها في نفس اليوم سنانك لون تاني علي عكس الطريقة الاولي بتعد اسبوعين عشان يتغير درجة اللون تدريجي بس هية طريقة كويسة بردك ه ودي صورة للاوفس بلتشنج وانا شرحت ازاي بتم العملية دي بلتفصيل  هوة دة يا جماعة موضوع التبيض الي كان حولية تسائولات كتير ازاي ويعني اية واعتقد انك مش حتلاقي شرح يبينلك الموضوع دة في اي مكان زي موقعنا الجيل العربي دة مش استعلاء حاش لله ولكن احقاقا للحق هذا من حصريات الجيل العربي والحمد لله تعالي بئة نشوف بعض الحالات قبل عملية التبيض وبعدها ونشوف الجمال بئة    ها بتفكر انتا كمان ولة اية هههههههه انا ئولت اني في مفجئة وحئولها في الاخر طبعا قريب اوي حيتم الاعلان عن عمليات تبيض الاسنان باسعار خيالية دة حصري للجيل العربي وانا الي حقوم بيها بنفسي باذن الله مش بس كدا جميع الاشياء المتعلقة بطب الفم والاسنان سوف يتم الاعلان عن ذالك قريب وباسعار تنافس اي مكان وسيتم اعلان الاسعار لجميع الاشياء التي تخص الاسنان باذن الله ترقبو هذة المفجئة قريبا باذن الله منقول عن د.احمد سعيد | ||||||||||||||||||
| |
|
| مواقع النشر (المفضلة) |
| الكلمات الدلالية (Tags) |
| ما هو تبيض الاسنان, تبيض الاسنان, what is teeth bleaching |
| أدوات الموضوع | |
| انواع عرض الموضوع | تقييم هذا الموضوع |
العرض العادي
|
|
 المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بالصور استخدام خيط الاسنان | Three Hearts | المنتدى الطبي | 3 | 11-19-2010 08:38 PM |
| أهمية تأخير غسيل الاسنان بعد اكل وشرب الحوامض | NanaStar | المنتدى الطبي | 3 | 11-22-2009 12:37 AM |
| بالصور الطريقه الصحيحه لغسل و تنظيف الاسنان | Three Hearts | المنتدى الطبي | 5 | 09-15-2009 12:05 PM |
